اسكتش الكلب الشيواوا

الكلب الشيواوا (مترجم وليس معلوم لدينا الكاتب الاصلي) بتصرف

الشخصيات : واحدة ست – عامل السويتش  –  البياع الأصلع

                            عامل قسم الأدوات المنزلية.

1- الست:                     آلو ! آلو!

صوت (عامل السويتش) : آلو…

2-  الست:                    محل صيدناوى؟

3- صوت (عامل . السويتش): أيوه يافندم.

4-  الست:                    أنا عايزة أكلم ابياع اللى باع لى الكنبة السرير الألمانى.

5-  صوت (عامل السويتش):  لو حضرتك عايزه الإستعلامات حاوصلك بقسم الاستعلامات

6- الست:                     لأ .. مش عايزه الإستعلامات ياسيدى، ضرورى أكلم البياع نفسه .. دى حاجة

                                  مستعجلة قوي.

7- صو (عامل. السويتش): طيب اسمه إيه على الأقل البياع دا ؟

8- الست:                     ماعرفش… لكن أقدر أوصفه : هو طويل وأصلع وعنده قشر.

9- صوت (عامل. السويتش): طيب دقيقة .. ح اوصلك  بقسم الموبيليا والمفروشات …. (سكوت)

10- الست:                   آلو … آلو… السكة  اتقطعت ! مش معقول كده ! آلو …

11- صوت (عامل السويتش): محل صيدناوي..

12- الست:                   إنت ليه قفلت السكة ؟ إديني قسم الموبيليا بسرعة من فضلك!

13- صوت (عامل السويتش):  آه.. قسم 8 مش كده ؟

14- الست:                   إدينى 8 والا 80  بس خلصني!

15- صوت (ع. قسم الأدوات المنزلية): آلو…

16- الست:                   قسم المفروشات والموبيليا؟

17- صوت (عامل قسم الأدوات المنزلية): لأ يافندم : هنا قسم الأدوات المنزلية

18- الست:                   ياسلام .. مش كده أبداً .. أنا عايزة قسم الموبيليا …. موبيليا….

19-  صوت (ع قسم الأدوات المنزلية) : طيب حالا يافندم .. خليكى معايا..

(بعد 5 دقايق)

20- الست:     آلو… آلو … ياقسم الموبيليا…

21- صوت (ع. قسم الموبيليا): قسم الموبيليا والمفروشات .. أى خدمة يافندم؟

22- الست:     الحمد لله أخيرا .. من فضلك البياع الأصلع اللى عنده قشر موجود؟

23- البياع:     (في سره.. البياع اللي عنده قشر؟ يافتاح ياعليم يارزاق ياكريم، ايه الست اللي لسانها فالت دي؟) أيوه أنا …

24- الست:     أنا مدام عبد الكريم . أنا اشتريت منك كنبة سرير من كام يوم … ياترى فاكرنى؟

25- البياع:     أيوه يافندم.. أنا فاكر سيادتك .. خير..

26- الست:     دلوقت أنا عندى مشكلة .. الكنبة  السرير اتقفلت لوحدها وعزيز جواها .. ومش عارفة  أفتحها ، من فضلك إشرح لى تانى أفتحها إزاى..!

27- البياع:     يافندم دي عملية سهلة جداً . زى ماشرحت لك.. لازم تشدى الكنبة وتزقى الإيد اللي على يمين رجل  السرير..

28- الست:     أشد والا أزق؟

29- البياع:     الأول تشدى الكنبه  وبعدين تدوسي  أو تزقى الإيد.

30- الست:     ياه دى عملية معقدة خالص ويمكن اضرب اخماس في اسداس …. إستنى ح حاول… (بعد شويه)

31- الست:     أه،عملت زى ماقلتلى لكن ما حصلش حاجة .. أطلب المطافي؟

32- العامل:    لأ يافندم ! مطافى إيه ! (في سره.. ايه الست المناخوليا دي؟) حاولى تاني.. هو مين عزيز دا ؟ جوز حضرتك؟

33- الست:     لأ طبعا ! دا  كلبي الشيواو اللي جبته من المكسيك.

34- العامل:    هو كبير ولا صغير؟

35- الست:     لأ صغير جداً .. نوعه كده .. مش بيكبر..

36- العامل:    مسكين .. زمانه اتبطط خالص .. حاولى تاني

37- الست:     أنا شديت الإيد  جامد  والسرير مانفتحش..

38- العامل:    ياهانم  اسمعينى كويس: شدى الكنبه وزقي  الإيد  مش بالعكس!!

39- الست:     اوف .. دى حاجة  بايخة .. الحمد لله.. أخيراً  السرير اتفتح..

40- العامل:    الحمد لله والكلب  عامل إيه؟

41- الست:     تصدق  الكتكوت  ماكانش جوه الكنبه… لقيته تحتها … العفريت .. أصله  شقى جداً

42- العامل:    ياسلام !!!  حقيقي اللي يعيش ياما يشوف.

43- الست:     أه، متشكره جداً .. خلاص أنا عرفت… المره الجايه  حاشد الإيد  وأزق الكنبه…

45-  العامل:   يانهار أبيض … دي مابتفهمش!!!

أسئلة الكلب  الشيواوا

1-  الست اشترت إيه؟ منين؟

2-  مين اللى باع لها الكنبة السرير؟

3-  ليه هي  طلبت صيدناوى فى التليفون؟

4-  البياع شرح ايه للست؟

5-  ليه فى الأول الكنبه ماتفتحتش؟

6-  مدام عبد الكريم  ممكن تفتح الكنبه إزاى؟

7- إوصف الكلب الشيواوا.

8-  لو الكلب كان جوه الكنبه كان حصل له إيه؟

9-  الست بتقول إيه عن الكلب؟

10- ليه البياع قال إن الست مش بتفهم؟

11- اوصفو الست دي بصفات او عبارات مختلفة!


حطو الكلمة المناسبة في المكان الفاضي

قفلت  – خلصنى – الأدوات المنزلية – أي حاجة – اشتريت – فاكرني- اشرح لي – عملية – إزاي – افتحها – قسم.

1- إنت ليه ………………. الكتاب ؟ من فضلك إفتحه.

2-   ………………. إيه إمبارح للغدا من الكافيتيريا؟

3- من فضلك  ………………. إزاى أكتب الكلمة  دي بالعربى.

4-  أنا رحت عشان أشترى هدية لصاحب والبياع  ………………. بسرعة عشان  كنت مستعجلة.

5-  المدرس مش  ………………. عشان هو كان مسافر  من عشر سنين.

6- هو راح  المستشفر عشان حيعمل  ………………. صغيرة.

7- ممكن تشترى المكنسة  والخلاط والجردل من  ……………….  من محل كبير.

8- الحمد لله ، أخيراً  ………………. الدرس .

9- من فضلك  ………………. أفتح  الإزازة  دي؟

10-  عايز أي خدمة أو  ……………….؟


أكمل القصة بالكلمات المناسبة

واحدة ست راحت  ……………………….. عشان تشترى  ……………………….. بعد يومين الكنبة السرير  ……………………….. ـ لوحدها. الست افتكرت إن  ……………………….. جوه الكنبه . هى كلمت  ……………………….. اللى باع لها الكنبه السرير. هو  ……………………….. للست إزاى تفتح الكنبه. هو قال لها الأول  ……………………….. الإيد وبعدين  ……………………….. الكنبه. لكن الكلب العفريت  ……………………….. كان تحت الكنبه مش  ………………………..  الست شكرت البياع لكن هى لسه مش فاهمه إزاى تفتح  الكنبه هى بتعمل ……………………….. هى بتزق الكنبه  وبتشدج الإيد.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s