About ‘Arabi Liblib 2: Proverbs

عربي لبلب : الامثال الشائعة في العامية المصرية
الكتاب دا بيركز على الامثال في العامية المصرية وفيه امثلة امتى ممكن نستخدم كل مثل ومع ان الكتب اللي بتشرح الامثال المصرية قليل، الا انها لا تتعدى عدد اصابع اليد الواحدة، الا ان كتابنا يتميز بحاجات كتير: اولها ان الشرح بالعامية ومش بالفصحى والهدف ان اللي بيستخدم الكتاب سواء دارس او مترجم او مهتم بالعامية المصرية  يقرا الشرح بالعامية وكمان راعينا اعادة تدوير الكلمات اللي استخدمناها في الشرح؛ وتاني حاجة ان الشرح مكتوب بالعربي ومش بالحروف اللاتيني؛ وتالت حاجة ان معنى المثل موجود بالانجليزي اذا كان فيه زيه بالانجليزي وفي بعض الامثال كتبنا المعنى بالتقريب واذا كان مافيش ما يقابل المثل بالانجليزي سيبنا مكان الترجمة  فاضي وعلى اللي بيستخدم الكتاب انه يعتمد بس على الشرح بالعربي وعلى الامثلة  الموجودة في الشرح، وكمان قلنا – على قدر الامكان – لو معنى المثل حرفي او مجازي وامتى بيستخدم.

وحتلاقو تحت عربي لبلب الامثال رابط  للروابط المهمة ( useful Links )الموجودة على النت زي الافلام او البرامج الحوارية أو الاغاني … الخ واللي بيكون فيها استخدام الامثال في سياق  ومحدد فيها الدقيقة والثانية اللي حتلاقو استخدام العبارة في الاغنية او الفيلم … الخ، وكمان رابط لعينة من الكتاب، ورابط فيه ترجمة الامثال الموجودة في الكتاب بالانجليزي، ورابط بتعليقاتكم ونرحب باقتراحاتكم دائما لاضافة صفحات او روابط اخرى

Advertisements