About ‘Arabi Liblib 1: Adjectives

عربي لبلب : الصفات الشائعة في العامية المصرية
الكتاب دا بيركز على الصفات في العامية المصرية وفيه امثلة امتى ممكن نستخدم كل صفة ومع ان مافيش في السوق اي كتب تقريبا بتشرح العبارات الشائعة في العامية المصرية، او حتى لو فيه كتب فهي لا تتعدى عدد اصابع اليد الواحدة، الا ان كتابنا يتميز بحاجات كتير: اولها ان الشرح بالعامية ومش بالفصحى والهدف ان اللي بيستخدم الكتاب سواء دارس او مترجم او مهتم بالعامية المصرية  يقرا الشرح بالعامية وكمان راعينا اعادة تدوير الكلمات اللي استخدمناها في الشرح؛ وتاني حاجة ان الشرح مكتوب بالعربي ومش بالحروف اللاتيني؛ وتالت حاجة ان معنى الصفة موجود بالانجليزي اذا كان فيه زيه بالانجليزي وفي بعض الصفات كتبنا المعنى بالتقريب واذا كان مافيش ما يقابل الصفة  بالانجليزي سيبنا مكان الترجمة  فاضي وعلى مستخدم الكتاب ان يعتمد بس على الشرح بالعربي وعلى الامثلة  الموجودة في الشرح، وكمان قلنا – على قدر الامكان – لو معنى العبارة سلبي او ايجابي وحرفي او مجازي وامتى بتستخدم.

وحتلاقو تحت عربي لبلب العبارات رابط  للروابط المهمة ( Useful Links ) الموجودة على النت زي الافلام او البرامج الحوارية أو الاغاني … الخ واللي بيكون فيها استخدام الصفات في سياق  ومحدد فيها الدقيقة والثانية اللي حتلاقو استخدام الصفة  في الاغنية او الفيلم … الخ، وكمان رابط لعينة من الكتاب، ورابط فيه الترجمة الانجليزية للصفات الموجودة في الكتاب، ورابط بتعليقاتكم ونرحب باقتراحاتكم دائما لاضافة صفحات او روابط اخرى

Advertisements