About ‘Arabi Liblib 3: Idioms

عربي لبلب : العبارات الشائعة في العامية المصرية
الكتاب دا بيركز على العبارات في العامية المصرية وفيه امثلة امتى ممكن نستخدم كل عبارة ومع ان مافيش في السوق اي كتب تقريبا بتشرح العبارات الشائعة في العامية المصرية، او حتى لو فيه كتب فهي لا تتعدى عدد اصابع اليد الواحدة، الا ان كتابنا يتميز بحاجات كتير: اولها ان الشرح بالعامية ومش بالفصحى والهدف ان اللي بيستخدم الكتاب سواء دارس او مترجم او مهتم بالعامية المصرية  يقرا الشرح بالعامية وكمان راعينا اعادة تدوير الكلمات اللي استخدمناها في الشرح؛ وتاني حاجة ان الشرح مكتوب بالعربي ومش بالحروف اللاتيني؛ وتالت حاجة ان معنى العبارة موجود بالانجليزي اذا كان فيه زيه بالانجليزي وفي بعض العبارات كتبنا المعنى بالتقريب واذا كان مافيش ما يقابل العبارة بالانجليزي سيبنا مكان الترجمة  فاضي وعلى مستخدم الكتاب ان يعتمد بس على الشرح بالعربي وعلى الامثلة  الموجودة في الشرح، وكمان قلنا على قدر الامكان لو معنى العبارة سلبي او ايجابي وحرفي او مجازي وامتى بتستخدم.

وحتلاقو تحت عربي لبلب العبارات رابط  للروابط المهمة ( Useful Links ) الموجودة على النت زي الافلام او البرامج الحوارية أو الاغاني … الخ واللي بيكون فيها استخدام العبارات في سياق  ومحدد فيها الدقيقة والثانية اللي حتلاقو استخدام العبارة في الاغنية او الفيلم … الخ، وكمان رابط لعينة من الكتاب، ورابط فيه ترجمة العبارات الموجودة في الكتاب بالانجليزي، ورابط بتعليقاتكم ونرحب باقتراحاتكم دائما لاضافة صفحات او روابط اخرى